Almaty turǵyndary TikTok áleýmettik jelisinde aqshany alý jáne utystardy bank aýdarymdary arqyly berýmen onlaın qumar oıyndardy uıymdastyrǵan, dep jazady Qamshy.kz aqparat agenttigi. Bul týraly Qarjylyq monıtorıń agenttigi habarlady. 

"QMA qalalyq departamenti áleýmettik jelide zańsyz oıyn bıznesin uıymdastyrýshylardyń áreketin toqtatty.Tergeý barysynda azamattardyń áleýmettik jelilerde 4 aı ishinde zańsyz oıyn bıznesin uıymdastyryp, 13 mıllıon teńgege jýyq  asa iri kólemde kiris alǵany dáleldendi. Almaty qalasynyń eki turǵyny kináli dep tanylyp, 1,5 jylǵa bas bostandyǵynan aıyryldy", delingen habarlamada. 

Sonymen qatar, sot zańsyz oıyn bıznesi salasynda asa iri kólemde kiris alý arqyly osyǵan uqsas quqyq buzýshylyq jasaǵan 4 tulǵaǵa qatysty isti qaraýda.