Mańǵystaý oblysy Jetibaı kentinde jumys talap etken 14 adam ashtyq jarıalady. Ashtyq aksıasy 29 naýryz kúni keshke bastalǵan.

Jetibaı kenishi mańyndaǵy júzden astam turǵyn 28 naýryzdan beri jetibaılyqtarǵa bólinetin jumys sanyn ulǵaıtýdy talap etip narazylyq jasap jatqan bolatyn. 

Sonymen qatar, turǵyndar prezıdent pen Mańǵystaý oblysynyń ákimi Nurlan Noǵaevqa málimdeme jasap, máselege aralasýdy ótinip, ózderin qýdalamaýdy da suraǵan. Qoldarynda ony dáleldeıtin qujattary da bar, – dep habarlaıdy Azattyq radıosy. 

Kúndiz–túni dalada qonyp jatqan narazylyq bildirýshiler bastaryna "Ashtyq" degen jazýy bar aq oramal baılap alǵan. 

"Mańǵystaýmunaıgaz" kompanıasy 28 naýryzda joldy japqan narazylardyń kesiren birneshe júz kólik júre almaı qalǵanyn aıtqan edi. Alaıda aımaq bıligi ashtyq pen narazylardyń talabyna túsinikteme bermedi.