Áleýmettik jelide Qazaqstan korparasıasyna baǵynbaıtynyn habarlaǵan bir top belsendiniń vıdeosy jarıalandy. Vıdeoda Petropavl qalasynyń turǵyndary Halyqtyq jumysshylar keńesin quryp, Qazaqstannan bólinip, "táýelsizdigin" jarıalaǵan.
Jıynda 19 adam jańa deklarasıany, Jarǵy jobasyn, sımvolıkany, Halyq Keńesiniń mórin bekitip, 1937 jylǵy Qazaq KSR Konstıtýsıasy boıynsha ómir súretinderin aıtqan. Olar ózderin "Uly otan soǵysynda jeńiske jetken batyrlardyń urpaǵymyz" dep tanystyrǵan.
"Biz azat jáne erkin halyqpyz, erler men áıelder, SQO Petropavl qalasynyń turǵyndary Qazaqstan Respýblıkasy korporasıasynyń quqyqtyq negiziniń jalǵandyǵyna, halyqtyń ómirine qolaısyz jaǵdaılar týǵyzýyna, sonymen qatar, onyń agentteriniń áreketke qabiletsizdigi men abyroısyzdyǵyna baılanysty ıgiligimiz ben resýrstarymyzdy basqarý júıesiniń barlyq quryltaıshysy men qyzmetshilerine tolyq senimsizdik bildiremiz. Biz halyq, óz táýelsizdigimiz ben egemendigimizdi jarıalaımyz", - deıdi qatysýshylar áleýmettik jelilerde taraǵan beınede.
Posmotret etý pýblıkasıý v Instagram
Budan bólek jınalǵandar Qazaqstandaǵy batys standarttaryna baǵdarlanǵan bilim berý júıesin, ómir men densaýlyqqa qaýip tóndiretin tamaq ónimderiniń sapasyn, medısınalyq qyzmet kórsetý deńgeıin jáne bıznes salasyn da synǵa aldy.
KazTAG-tyń málimeti boıynsha, SQO polısıa departamenti vıdeoda otyrǵan turǵyndardyń ústinen qylmystyq is qozǵalǵanyn habarlaǵan.
Dese de búginge deıin elimizde qazaq tili men eldiń tutastyǵyn qorǵaǵan, táýelsizdik úshin kúresken qazaq tildi azamattar ákimshilik jaza qoldanylyp, túrmege qamalyp, qýdalaýǵa ushyrady. Al tilimizge, dástúrimizge, táýelsizdigimizge til tıgizgen, búkil ulttyń namysyna tıgen ózge ult ókilderi bolsa tek keshirim suraý arqyly jazadan qutyldy. Petropavl qalasyndaǵy separatısteriniń áreketi de osyǵan deıin keshirim berip, jaza qoldanbaǵan bıliktiń jemisi.
Pikir qaldyrý