Qamaýǵa alynǵan AQSH–tyń burynǵy prezıdenti Donald Trampqa Nú-Iorktegi sot otyrysynda 34 pýnkt boıynsha aıyp taǵyldy. Alaıda Aq úıdiń burynǵy basshysy ózine taǵylǵan aıyptyń eshbirin moıyndamady, dep habarlaıdy CNN

Sotta saıasatkerge zańsyz áreketterin jasyrý maqsatynda iskerlik qujattamalardy burmalady, sondaı–aq 2016 jylǵy prezıdenttik saılaý naýqanynda bólingen qarajatty jónsiz paıdalandy degen aıyp taǵylǵan.

Bul aıyptaýlar 2016 jylǵy prezıdenttik naýqan kezinde qarym–qatynasyn jasyrý úshin aktrısa Stormı Denıelske aqsha berdi degen kúdikpen tergeý júrgizilýine baılanysty týyndap otyr.

Tilshilerdiń aıtýynsha, Tramp birde–bir tarmaq boıynsha ózine taǵylǵan aıypty moıyndamaǵan. Sot otyrysynan keıin aıyptalýshy qamaýdan bosatylyp, sot ǵımaratynan shyǵyp ketken. Keıin onyń josparlanǵan is–sharaǵa qatysý úshin Florıdaǵa ushyp ketkeni belgili boldy.

Basylym Donald Tramptyń isi boıynsha kelesi sot otyrysy 4 jeltoqsanǵa qoıylyp, tyńdaýlar Nú–Iorkte ótetinin atap ótti.

Eske sala keteıik, Donald Tramp AQSH tarıhynda resmı túrde qylmystyq bap boıynsha aıyp taǵylǵan alǵashqy prezıdent bolyp otyr.