Bul kósheden júrip ótken eki kólik júrgizýshiniń biri burynǵy ákim Baýyrjan Baıbekti mindetti túrde eske alady. Iá, bul – ózińizge jaqsy tanys Tımırázev kóshesi. Jeńil kólikter tek bir jolaqpen júrgendikten, tańǵy jáne keshki ýaqyttarda kósheniń boıy qaptaǵan kólik, keptelis bolady. Jeńil kólikter úshin qolaısyz bolǵandyqtan jol kólik apattary jıi bolyp turady.

Búgin túsirilim tobymen birge osyndaı oqıǵaǵa tap boldyq. Asyqqan jeńil kólik pen qoǵamdyq kólik júrgizýshileri baǵdarsham qıylysynda bir-birine jol bermeı, saldary JKO ákep soqty. 2018 jyly Almaty qalasynyń eks-ákimi Tımırázev kóshesiniń boıyna BRT jelisin engizgende, jergilikti BAQ ókilderi  qaýipti jol apattary bolýy yqtımaldyǵyn qozǵaǵan. Onyń ústine, kezinde standarttardy buzyp salynǵan BRT júıesi keptelis máselesin sheshken joq.

Ortadaǵy qos jolaqta qoǵamdyq kólikterge arnalǵan. Ózderine jol ashylǵanyna qaramastan jeńil kóliktiń jalǵyz jolaǵyna jıi ótip kete beretin olardyń pikiri basqa.

Aıtyp ketkenimizdeı, keptelis máselesi BRT-men sheshilmegen. Kólik keptelisimen qosa, qaq ortasynda qaltaly aıaldamasy bar bul kósheden eki mezgil adam keptelisi de arylmaıdy.

Tımırázev boıyndaǵy bul ahýaldyń kúrdeliligin qalanyń qazirgi ákimi Erbolat Dosaevtyń ózi de moıyndap edi. Tipti, ortadaǵy qoǵamdyq kólik jolaǵyn eki shetke aýystyrýy múmkin ekenin málimdegen. Máseleni sheshý úshin, ózgeris engizý týraly sheshim qabyldanatynyn da aıtty. Alaıda ázirge qashan, qalaı, belgisiz bop tur.

Esterińizge sala keteıik, Almatyda BRT bastapqyda standartqa qaıshy salynǵan bolatyn. Standart boıynsha, bir baǵyttaǵy kólik qozǵalysy úshin úsh jolaqtan az bolatyn kóshelerde bólingen jolaqtardy uıymdastyrýǵa tyıym salynǵan.

Osyǵan baılanysty Qamshy portaly Almaty qalasynyń ákimi Erbolat Dosaevqa resmı saýal joldady. Aldaǵy ýaqytta qala ákiminiń jaýabyn jarıalaıtyn bolamyz.