Demalys kúnderi Qazaqstannyń úsh qalasynda mıtıń ótti. Mıtıńke shyǵýshylar ártúrli másele kóterip, narazylyq bildirdi. 

8 sáýirde Astana qalasynda femınıstik uıymdar zorlyq-zombylyqqa qarsy mıtıńke shyqty. Mıtıńke shyqqandar qatarynda erler de boldy. Zorlyq-zombylyqqa qarsy kúreske shaqyrǵan narazylyq bildirýshiler "Shydama", "Azat áıel", "Keıde úı eń qaýipti meken" syndy urandar jazylǵan plakattar ustap, narazylyq bildirgen. 

9 sáýirde Atyraý qalasynda "Munaıshy" stadıonynyń aldyna jınalǵan turǵyndar ekologıalyq mıtıń ótkizdi. Qala birneshe kún boıy qamys órtinen qoıý tútinge tunshyǵyp otyr. Sherýshiler qala ákimishilgine narazylyq bildirdi. Olar qoldaryna "Aýa jut, Atyraý", "Ekologıa kiristen de qymbat" syndy plakattar ustaǵan.

9 sáýirde Almaty qalasyndaǵy Respýblıka alańynda Rysbek Sársenbaı men Muhtar Taıjan bastaǵan Halyqtyq parlament ókilderi saılaý nátıjelerine qarsy mıtıń ótkizdi. Eki saǵatqa sozylǵan mıtıń nátıjesinde Halyqtyq parlament qaýly qabyldap, mıtıń aıaqtalysymen beıbit túrde tarady.