Jańaózen qalasyndaǵy "BerÁli Mańǵystaý Company" kásipornynyń jumystan qysqarǵan 82 jumysshysy 10 sáýirde Astanaǵa kelip, energetıka mınıstrliginiń aldynda túnep shyqty. Olar mınıstrlikten jumyssyzdyq máselesin sheshýdi talap etken. 

100 den astam munaıshy 1 sáýirden bastap tabyssyz qalǵanyn aıtyp, turaqty jumys talap etken. Olar aldymen Jańaózen ákimdigi men "Ózenmunaıgaz" kompanıasynyń bashylyǵyna narazylyq bildirgen. Másele sheshilmegendikten, 80 nen astam jumysshy poıyzben Astanaǵa jol tartqanyn habarlaǵan.

Jumysshylar kelgen kúni Astanadaǵy "QazMunaıGaz" ǵımaratynyń mańyna avtozaktar qoıyldy, dep málimdeıdi Azattyq radıosy. Túnde narazy topqa azyq–túlik ákelegen turǵyndardy polseıler ótkizbeı qoıǵan. 

Energetıka mnıstrliginiń aldynda túnegen jańaózendikterge mınıstrlikten eshkim shyqpady. Al Energetıka mınıstri Almasadam Sátqalıev tilshilerge jumysshylarmen kelissóz júrgizip jatqanyn aıtqan. Biraq mınıstrdiń naqty kimmen keliskeni belgisiz. 

Eske sala keteıik, "Ózenmunaıgaz" kompanıasy jarıalaǵan tenderdi "Kezbı" seriktestigi jeńip alǵandyqtan, "Ózenmunaıgaz" ben "BerÁli Mańǵystaý Company" kompanıalary arasyndaǵy kelisimshart toqtaǵan bolatyn. Sonyń saldarynan Jańaózende 100 den astam adam jumyssyz qaldy.