Egıpet Reseıge jasyryn túrde 40 myń zymyran jiberýdi josparlaǵan dep málimdeıdi, "Vashıngton post" gazeti.

"AQSH barlaý qyzmeti jarıalaǵan qujatqa sáıkes, Mysyr prezıdenti Abdýl Fattah Reseıge jasyryn túrde jiberý úshin qol astyndaǵylarǵa 40 myń zymyran jasaýdy buıyrdy", – dep jazady basylym.

Gazettiń málimdeýinshe, prezıdent sheneýnikterge Batys narazy bolmaýy úshin zymyran jasaý men Reseıge jetkizý josparyn qupıa ustaýdy tapsyrǵan.

Jarıa bolǵan qujatta Mysyr prezıdenti Salah ad–Dın esimdi adamǵa zaýyt jumysshylaryna snarádtardyń Mysyr áskerine arnalǵanyn aıtýdy mindettegen. Basylym  Salah ad–Dın Mysyrdyń áskerı óndiris mınıstri Muhamed Salah ad–Dın bolýy múmkin dep jazdy.

Gazettiń habarlaýynsha, Salah ad–Dın  qajet bolǵan jaǵdaıda zaýyt jumysshylaryna aýysymmen jumys isteýge nusqaý beretinin, bul Mysyr úshin Reseıdiń jaqsylyǵyn qaıtarýdyń joly ekenin málimdegen.

Biraq Mysyr Syrtqy ister mınıstrliginiń resmı ókili Ahmed Ábý Zeıd Egıpettiń saıası ustanymy Ýkraıdaǵy qaqtyǵysqa aralaspaý ekenin aıtty. Ol Mysyrdyń eki tarapty da qaqtyǵysty toqtatýǵa jáne kelissóz arqyly beıbit sheshimge kelýge shaqyratynyn málimdedi.