Almaty qalasynyń turǵyny Serik Kenjebekov mynandaı áreketke barmaqshy. Ol óziniń on eki múshesiniń birin 50 myń AQSH dollaryna baǵalap otyr. Túsken qarjatqa Almatydan bir bólmeli páter alamyn deıdi . Qalǵan aqshasy azdy-kópti ýaqytqa jetýi tıis eken. Artynsha aýla tazalaýshy bolyp jumys istesem de, eshteńe etpeıdi deıdi 22 jastaǵy qala turǵyn.

            Tepse temir úzer jasynda mundaı áreketke barýyna basty sebep, Úkimet pen bılikke senim joqtyǵy eken. Aıta ketetin mańyzdy jaıt; Serik jetimder úıiniń túlegi. Ol týraly «Qamshy» portaly jazǵan bolatyn. Kámelettik jasqa tolǵannan keıin kóshege bir, kóshetke bir qonyp júripti. Ol úısiz-kúısiz bolýdan jalyqtym deıdi.

            Tilshilerge bergen suhbatynda Serik Kenjebekov memlekettiń jitimderge degen kóz qarasyn da jasyrmaı aıtty.

            «Jetimderge úı bergendi memleket basshylyǵy pıar kóredi. 30-40 jyl óz kezegin kútken adamdarǵa úı berýdiń nesi baqyt? Onyń jarty ómirin qandaı qınalyspen ótkizgenine kim jaýapty? Onyń ústine jetimder úıiniń túlekterine degen kózqaras ta adam shoshytady. Naqurysy- biz, qylmyskeri- bizbiz bul eldiń»,- deıdi Serik.