Búgin "Femınısttik uıymdardyń jylda 8-shi naýryzda ótkizetin mıtıńteriniń kózdegeni ne?" degen taqyrypta baspasóz konferensıa ótti. Sharaǵa Alǵadaı Ábilǵazy, Marat Toqashbaev, Aıdos Orazaı jáne Ámir Máýlenov, Seıtov Sovet Saýatuly. Serikbol Moldash qatysty. 

Sharany uıymdastyrýshy Baǵıla Baltabaevanyń aıtýynsha femınızmge qatysty mıtıńiler alǵashqyda áıel men bala quqyǵy, otbasyndaǵy zorlyq-zombylyq týraly aıtyp, keıin LGBT-ny nasıhattaıdy.

"Mundaı mıtıńiler Qazaqstanda alǵash ret 2016 jyly bastalǵan. Sol jyldary 5-6 adam bolyp shyqqandar qazir 3000-nan astam adam jınap pıket ótkizip júr. Femınıstik uıymdardyń sońy Irandaǵydaı femınıstik kóteriliske ákep soqpaıtynyna kim kepil?", dedi Baǵıla baltabaeva shara basynda. 

Al Marat Toqashbaev LGBT saıasatyn adamzatty joq qylý úshin oılap tabylǵan saıasat dep aıyptady. 

"LGBT-nyń saıasaty adamdardy bolashaqqa bastamaıdy. Olar adam tuqymyn joq qylýdy josparlap otyr. Endi sol saıasatyn Qazaqstandaǵy jas urpaqtyń boıyna sińirgisi keledi. Bul jas balalardyń psıhıkasyn qurtatyn búkil adamzatqa qarsy uıym", dedi Marat Toqashbaev. 

Qoǵam belsendisi Baǵıla Baltabaeva Astanada ótken femınıstik mıtıńide birqatar jasóspirimderdiń LGBT-nyń týyn kóterip júrgenin kórgen. 

"Ol jasóspirimderdiń ata-analary qaıda qarap otyr? Kámeletke tolmaǵan balalar qoldaryna bir-bir plakattaryn ustap alyp júr. Elimizdegi mundaı mıtıńiler men pıketterdi "Feminita.kz" uıymdastyrady. Atalǵan uıymnyń jetekshileri Janar Sekerbaeva men Gúlzada Serjan ózderin ashyq túrde lesbıanka ekenin aıtyp júr. Osylaısha olar femınızm men áıel quqyǵynyń atyn jamylyp óz saıasattaryn nasıhattap júr" dep pikir bildirdi Baǵıla Baltabaeva. 

Al Aıdos Orazaı bolsa atalǵan qazaqstandyq uıymdy shetelden qarjylandyratynyn aıtyp qaldy. 

"Uıymnyń jetekshisi Janar Serkebaeva alǵashqyda úkimetke dat aıtyp, qoǵamdaǵy máselelerdi kóterip júrgen. LGBT-ǵa keıin aýysty. LGBT negizi adamdyq normaǵa jata ma jatpaı ma? Erkek pen erkektiń, áıel men áıeldiń bir birimen otbasy qurýy tipti adamdyq normaǵa jat. Olardyń maqsattary – ultty qurtý, adamzat sanyn azaıtý. Attarynyń ózi jıirkenishti. Urpaqty saqtap qalý úshin bul bassyzdyqty toqtatýymyz kerek", dedi ol.