Soltústik Qazaqstan oblysynda separatızm isi boıynsha ustalǵan úsh kúdikti eki aıǵa qamaýǵa alyndy. Bul týraly oblystyq prokýratýranyń baspasóz qyzmeti málim etti.

"Soltústik Qazaqstan oblysynyń prokýratýrasy  aldynda 2023 jylǵy 18 sáýirde  Qylmystyq Kodekstiń 179-baby 2-bóligi boıynsha ( qaýipsizdikti ydyratýǵa úgitteý) jáne 180-baby 2-bóligi boıynsha (Qazaqstan Respýblıkasynyń birtutastyǵy men tutastyǵyn ydyratýdy nasıhattaý nemese oǵan jarıa túrde buqaralyq aqparat quraldaryn jáne telebaılanys jelilerin shaqyrýmen materıaldardy taratý)  qarastyrylǵan qylmystyq quqyq buzýshylyq  jasaǵandyqtary úshin  Ulttyq qaýipsizdik Komıtetiniń Soltústik Qazaqstan oblysy boıynsha departamentimen «Halyq keńesiniń» úsh múshesi ustalǵanyn habarlaǵan bolatyn", - dep atap ótti vedomstvo ókilderi.

Qazirgi kezde tergeý sharalary jalǵasyp jatyr.

"20 sáýirde Petropavl qalasynyń mamandandyrylǵan tergeý sotymen  barlyq úsh fıgýrantqa  qatysty merzimi 2 aıǵa «qamaýda ustaý túrinde» bultartpaý sharasy sanksıalandy", - delingen habarlamada.