İshki ister mınıstri 9 mamyrda KSRO týyn kótergenderdiń ne úshin jazalanbaǵanyn túsindirdi. Mınıstr Marat Ahmetjanovtyń aıtýynsha, zańda KSRO týyn alyp shyǵýǵa qatysty tyıym joq. 

"Olarǵa eskertý, túsindirý jumystary júrgizildi. Biz quqyqtyq memlekette turamyz. Sol sebepti oǵan tyıym joq. Alaıda olardyń áreketi qoǵam narazylyǵyn týdyrǵandyqtan, eskertý jasaldy. ishki ister organdarynyń saqshylary nasıhattaý, úgitteý, eskertý jumystaryn júrgizdi”, – dedi mınıstr.

Ahmetjanovtyń sózinshe, polısıa qyzmetkerleri zań sheńberinde qoldarynan kelgendi jasady. Al mundaı áreketterdiń sońy alaýyzdyqqa, qoǵamnyń bólinip-jiktelýine aparyp soqpas úshin úshin zańǵa ózgeris engizý kerek deıdi vedomstvo basshysy.