Semeı qalasynyń ákimdigi reseılik Bı-2 tobynyń 21 maýsymǵa josparlanǵan konserti bolmaıtynyn málimdedi. Alaıda keıinnen habarlama ákimdik paraqshasynan alynyp tastalǵan. 

"Qurmetti otandastar! Orman órti kezinde oryn alǵan qaıǵyly oqıǵaǵa baılanysty, sonymen qatar, oblys jurtshylyǵynyń ótinishi boıynsha 21 maýsymda Arena MKQK josparlanǵan "Bı-2" tobynyń konserti bolmaıdy. Túinistikpen qaraýlaryńyzdy suraımyz ", – delingen habarlamada.

Áleýmettik jeli qoldanýshylary qaıyrymdylyq konsertiniń ótpeıtinine narazylyq bildirip, Bı-2 tobynyń Reseı agresıasyna qarsy ekenin de tilge tıek etti. 

Eske sala keteıik, buǵan deıin top músheleri Semeıdegi konsertten túsken qarajatty Abaı oblysyndaǵy orman órtinen zardap shekkenderge kómektesýge aýdaratynyn málimdegen bolatyn.