Astana mańyndaǵy órtti sóndirý áli d jalǵasyp jatyr. Tótenshe jaǵdaılar departamentiniń habarlaýynsha qazir órt aýmaǵy 80 gektarǵa jetken. 

"Elordalyq órt sóndirýshiler Qorǵaljyn tasjoly men Qosshy qalasyna aınalma jol arasyndaǵy qýraǵan shóp jáne qamys órtimen ekinshi táýlik kúresip jatyr. Qazirgi ýaqytta mamandar qýraǵan shóp órtteriniń jekelegen oshaqtaryn sóndirýde", - delingen TJ departamentiniń aqparatynda.

Búgin tańerteń «Qazavıaqutqarý» AQ órt ornyna 17 ret sý shashty – bul 51 tonna sý. Órt sóndirý bastalǵannan beri Qorǵanys mınıstrligi men «Qazavıaqutqarý» AQ tikushaqtary 59 ret – shamamen 198 tonna sý shashqan.

"Oqıǵa ornynda Astana qalasy, Aqmola jáne Qaraǵandy oblystary TJD jeke quramynyń 185 adamy men 37 tehnıkasy, qala ákimdiginiń 6 sýarý mashınasy jumyldyryldy. Qala ákimdigi, sondaı-aq Astana qalasynyń eriktiler klýbynyń bastamasymen elordalyq órt sóndirýshiler ystyq tamaqpen jáne sýsynmen qamtyldy", - dep habarlady departament.