Premer-mınıstrdiń orynbasary, qarjy mınıstri Erulan Jamaýbaev Qazaqstannyń memlekettik qaryzy týraly aıtty.

"Búginde barlyq belgilengen boryshtyq kelisimder saqtalyp otyr. Memlekettik qaryz JİÓ-niń 25 paıyzynan az bolady. Memlekettik boryshty basqarýdyń júrgizilip jatqan saıasaty belgilengen qarjylyq shekteýlerdi qatań saqtaı otyryp júzege asyrylady", - dedi Jamaýbaev Parlament palatalarynyń birlesken otyrysynda.

Jamaýbaev Joǵarǵy aýdıtorlyq palatanyń (JAP) qabyldanǵan mindettemelerdiń ashyqtyǵy men aıqyndylyǵyn arttyrý jónindegi bastamasyn qoldaıtynyn aıtty. Olar jumys barysynda eskeriletini aıtyldy.

"Depýtattar men Joǵarǵy aýdıtorlyq palatanyń memlekettik josparlaý júıesine jáne qarajatty paıdalaný tıimdiligin arttyrýǵa qatysty kótergen máseleleri, sondaı-aq basqa da máseleler jeke Jol kartasyna engiziledi", - dep túıindedi ol.

Premer-Mınıstr aldaǵy ýaqytta memlekettik qaryz deńgeıi qaýipsiz deńgeıde bolady.

"Byltyr búdjet kirisi 42 paıyzǵa ósti. Bıyl da úkimet ósimdi kútedi. Bul qarqyn aldaǵy ýaqytta da saqtalýy kerek. Valútalyq táýekelderdi azaıtý úshin teńgemen qaryz alý. Jalpy, aldaǵy bes jylda memlekettik qaryz deńgeıi qaýipsiz deńgeıde bolady jáne jalpy ishki ónimniń 25 paıyzynan aspaıdy", - dedi premer-mınıstr Álıhan Smaıylov.