Semeıde buǵan deıin ótpeıdi dep habarlanǵan Bı-2 rok tobynyń konserti ótetini habarlandy. Bul týraly konsert uıymdastyrýshylary áleýmettik jelide jazdy. 

"Resmı túrde ıá!", dep jazdy konsert uıymdastyrýshylary.  Konserttiń ótetinin jergilikti BAQ pen turǵyndar da rastap otyr.

Buǵan deıin Semeı qalasynyń ákimdigi Bı-2 tobynyń konserti toqtatylatynyn habarlaǵanymen, keıin Instagram paraqshalarynan habarlamany óshirip tastaǵan.

Áleýmettik jeli qoldanýshylary qaıyrymdylyq konsertiniń ótpeıtinine narazylyq bildirip, Bı-2 tobynyń Reseı agresıasyna qarsy ekenin de tilge tıek etti. 

Eske sala keteıik, buǵan deıin top músheleri Semeıdegi konsertten túsken qarajatty Abaı oblysyndaǵy orman órtinen zardap shekkenderge kómektesýge aýdaratynyn málimdegen bolatyn.