Qazaqstanda 2016 jyly nan 30%-ǵa qymbattaýy múmkin 

Aýylsharýashylyq mınıstri Asyljan Mamytbekov qymbattaýdyń ne sebepti kútilip otyrǵandyǵyn túsindirdi. Bul týraly 1tv.kz-ke silteme jasaı otyryp «Qamshy» portaly habarlaıdy.

Aýylsharýashylyq mınıstriniń aıtýynsha, basty áleýmettik azyq-túlikke baǵany astyqtyń satyp alý baǵasyn qarjylandyrý arqyly jasandy jolmen barynsha ustap turýǵa tyrysqan.

Alaıda, naryq jaǵdaıynda mundaı qarjylyq jeńildikterdi berýdi jalǵastyryp, odan ári tómen baǵany ustap turý múmkin emes deıdi ol.

«Biz naryq baǵasyna sáıkes eksportqa shyǵaramyz. Al ishki naryqqa úkimet kombınattar astyqty tómen baǵamen alýy úshin kómekqarjy bóledi. Iaǵnı úkimet nannyń qymbattamaýyn qamtamasyz etetin kómekqarjy bóle otyryp, fermerlerge ónimderin naryqta qalyptasqan baǵamen satýǵa múmkindik beredi», – deıdi Mamytbekov.

Mekeme basshysy ishki baǵanyń quldyraýynan fermerlerdiń tabysy joǵarylamaı jatqanyna da nazar aýdartty.