Pavlodar oblysynda semizdikke shaldyqqandar áskerge bara almaı otyr

19Pavlodar oblysynda azamattyq boryshyn óteýge jaramsyz jastardyń kóbi semizdikten zardap shegýde. Bul týraly «Qamshy» portaly  pavlodarnews.kz-ke silteme jasaı otyryp habarlaıdy.

Bul týraly agenttikke oblystyq qorǵanys isteri jónindegi basqarmasynyń bastyǵy, podpolkovnık Oleg Nıkolashın málim etti.

“Táýelsizdik alǵan jyldary kámelettik jasqa endi tolǵan jigitter maıtaban aýrýyna baılanysty ásker qataryna qabyldanbasa, qazirgi kúni semizdik derti sebep bolyp otyr. Budan basqa, medısınalyq tekseristiń nátıjesi jastardyń arasynda omyrtqanyń qısaıýy, bas súıek-mı zaqymy sıaqty aýrýlar jıi kezdesetinin kórsetedi. Bul áleýmettik máseleler jasóspirimderdiń durys tamaqtanbaýy men sportpen shuǵyldanbaýyna, tóbelestiń saldarynan jaraqat alýyna baılanysty. Bolashaq sarbazdardyń densaýlyǵyna qatysty saraptama qorytyndysy jyldyń sońynda naqty belgili bolady”, – deıdi Nıkolashın.

Basqarma bastyǵynyń aıtýynsha, byltyrǵy jylmen salystyrǵanda ásker qataryna shaqyrylatyn azamattaryń sanynda aıtarlyqtaı ózgeris baıqalmaıdy. Bıyl oblys boıynsha barlyǵy 700-den astam sarbaz elimizdiń qarýly kúshteriniń qataryn tolyqtyrady dep kútilýde.