Kópshilikke belgili Instagram foto servısiniń negizin qalaýshy jáne onyń basshysy Kevın Sıstrom kompanıa eresek paıdalanýshylar úshin áleýmettik portal nusqasyn qurýy múmkin ekenin aıtty. Bul týraly "Qamshy" portaly Mashable-ge silteme jasaı otyryp habarlaıdy.

Sıstrom aıtqandaı, bul áleýmettik portalda R (Restricted) reıtıńige ıe fotosýretter jarıalanady. Bul sanatqa on jeti jasqa tolǵan adamdarǵa nemese ata-anasymen birge kórýge ruqsat etiletin materıaldar jatady.

Kompanıa basshysy mundaı saıtty ashýda týyndaıtyn qıyndyqtar – bul sanatqa enetin kontentti anyqtaý týraly aıtty. Kevın portal paıdalanýshyǵa óz oıyn estetıkalyq turǵyda jetkizýine múmkindik beredi dep otyr.

Osyǵan deıin Kevın Sıstrom áleýmettik portaldyń senzýralyq saıasaty bary jóninde aıtqan, dál osy shekteý Apple korporasıasynyń qosymshalar dúkeninde de paıdalanylady.

Qazir Instagram on eki jastan asqan balalarǵa kórsetýge ruqsat etilgen materıaldarmen shektelip otyr. Sondyqtan R sanatyndaǵy kontentti jarıalaýǵa tyıym salynady. Osy shekteý buzylǵan jaǵdaıda qosymsha App Store-den óshiriledi.