Qazaqstan Parlamenti palatalardyń birlesken otyrysynda VIIİ shaqyrylymdaǵy Parlamenttiń birinshi sesıasy aıaqtalǵany týraly habarlady. Májilis spıkeri Erlan Qoshanov depýtattar kanıkýly bastalǵanyn málimdedi.

Palatalardyń birlesken otyrysynda Májilis spıkeri Parlamentke ótken barlyq partıa depýtattary belsendi jumys istegenin atap ótti.

"Birinshi sesıa nebári 100 kúnge sozyldy. Qysqa bolǵanymen, atqarylǵan mindetter boıynsha bul sesıanyń jumysy óte mańyzdy ári mazmundy boldy. Sesıanyń ashylýynda Memleket basshysy Qasym-Jomart Kemeluly Toqaev qyzmetimizdiń negizgi baǵyttaryn aıqyndap berdi. Olar is júzinde júzege asyrylyp, Parlamentte qaralǵan zań jobalarynyń negizine aınaldy. Bul sesıa barysynda Palatalardyń 3 birlesken otyrysy boldy. Senattyń 12 jáne Májilistiń 15 jalpy otyrysy ótti", - dedi ol.