Astanada Ulttyq dombyra kúni qarsańynda «Kúı kúmbiri» atty dombyrashylar chellendji ótti. Olar «Tepeń kók», Qurmanǵazynyń kúıi «Balbyraýyn» jáne Ábdimomyn Jeldibaevtyń «Erke sylqym» kúıin oryndady.

İs-sharaǵa 500-den astam oqýshy jınaldy. Olar «Tepeń kók», Qurmanǵazynyń kúıi «Balbyraýyn» jáne Ábdimomyn Jeldibaevtyń «Erke sylqym» kúıin oryndap, kórermen qaýymdy tánti etti. Chellendj jetekshisi – Astana memlekettik akademıalyq fılarmonıasy Qorqyt etno-ansambliniń kórkemdik jetekshisi, kompozıtor Sholpan Qorǵanbek.

Onyń aıtýynsha, chellendjdiń negizgi maqsaty – bilim alýshylardyń rýhanı-adamgershilik mádenıetin, estetıkalyq, patrıottyq sezimderin tárbıeleý, eldiń mádenı murasyn saqtaý, balalardyń dombyrada oryndaý ónerin nasıhattaý.

Aıta keteri, Qazaqstanda ulttyq dombyra kúni 2018 jyldan beri atalyp ótedi. Al ótken jyldan bastap qalanyń barlyq mektebinde dombyra úıirmeleri ashyldy. Bıyl ulttyq aspapta oınaýmen aınalysatyn balalardyń sany 2,5 myńǵa ósti.