Belarýste ótken prezıdent saılaýynda Aleksandr Lýkashenko jeńiske jetti. Bul týraly «Qamshy» portaly «Nur. kz» saıtyna silteme jasaı otyryp habarlaıdy. Aldyn ala málimetter boıynsha ol 83,49% daýys jınaǵan, dep habarlady eldiń Ortalyq saılaý komısıasynyń tóraǵasy Lıdıa Ermoshına. Saılaýshylardyń 6%-dan astamy barlyq kandıdattar úshin qarsy daýys bergen. Aımaqtarda bul kórsetkish tómen. Máselen, Brest oblysynda ol – 4,38%.

Tatána Korotkevıch úshin el boıynsha saılaýshylardyń 4,42%-y daýys bergen. Sergeı Gaıdýkevıch – 3,32%, Nıkolaı Ýlahovıch – 1,67% daýys jınaǵan.

Lıdıa Ermoshına munyń tek aldyn ala málimetter ekenin atap ótti.

Qorytyndy málimetter oblystyq saılaý komısıalary men Mınsk qalasynyń saılaý komısıasy ár kandıdat úshin daýys berý týraly qorytyndy hattamalarǵa qol qoıǵan soń habarlanady.