Jeksenbi kúni Kabýlda mınalanǵan kólikte otyrǵan terrorshy sheteldik ásker kolonnasyna soqtyǵysty. Bul týraly «Qamshy» portaly euronews.com-ǵa silteme jasaı otyryp habarlaıdy. Sońǵy málimetterge sáıkes, shabýyl jasaýshynyń ózi oqıǵa ornynda qaza taýyp, eń az degende 7 adam jaraqat alǵan. Degenmen, málimetter áli tolyqtyrylý ústinde. Polısıa qyzmetkerleri de áskerı adamdar qatarynan qurban bolǵandardyń bar-joǵyn áli aıtqan joq.

Atalmysh jaǵdaı týraly aqparat belgili bolǵannan-aq, Talıban qozǵalysynyń búlikshiler toby Kabýl ortalyǵyndaǵy terrakt úshin jaýapkershilikti óz moıynyna aldy. Osydan úsh kún buryn Aýǵanstanda 1 adamnyń ómirin qıyp, 3 adamdy jaraqattaǵan aıaýsyz jarylystar oryn alǵan. Ol kezde bir ýaqytta 3 magnıttik bomba jarylǵan bolatyn. Odan buryn búlikshiler Kabýl restorandarynyń birinde órt shyǵaryp, 3 adamdy jaraqattap, 2 adamdy óltirgen edi.