Grýzıanyń burynǵy prezıdenti Mıhaıl Saakashvılı brıtandyq Times gazetine hat jazdy. Ol óz hatynda Pýtın 20 jyl buryn Ýkraınany basyp alýdy josparlaǵanyn jazǵan. 

Pýtın óziniń Ýkraınaǵa qatysty josparyn Saakashvılıge 2004 jyly Kremldegi kezdesý kezinde aıtqan. 

"Ol qazirgi áreketteriniń bárin alǵashqy kezdesýimizde-aq azdy-kópti aıtyp bergen edi", deıdi Mıhaıl Saakashvılı. 

Alaıda basylymda eks-prezıdent birneshe ret eskertýine qaramastan batys elderi Pýtınniń agressıvti ambısıasyna elemegeni jazylǵan. 

Onyń haty aýrýhanadan qupıa túrde shyǵarylǵan. 

Eks-prezıdentte qazir grýzın emes, ýkraın azamattyǵy bar. Mıhaıl Saakashvılı byltyr mamyr aıynan beri Tblısıdegi "Vıvamedı" klınıkasynda jatyr. Ol 2021 jyly Grýzıaǵa oralǵan kezde ustalǵan bolatyn. 

Grýzıada Saakashvılıge birneshe qylmystyq is boıynsha aıyp taǵyldy. Olardyń ekeýi boıynsha Grýzıaǵa oralǵanǵa deıin syrttaı 6 jylǵa sottaldy.