Qazaqstan bala quqyqtary jónindegi ýákil Dınara Zákıeva áleýmettik jelidegi paraqshasynda Almaty mańyndaǵy saýda ortalyǵynda balany tepken sheteldiktiń máselesi nelikten buzaqylyq baby boıynsha qaralatynyn túsindirdi.

“Bul jaıt "Buzaqylyq" baby boıynsha tirkeldi. Áreketti jasaǵan adam ustalyp, ÝUI-na qamaýǵa alyndy. Almaty oblysy İİM PD-men baılanystamyn. Bul fakt boıynsha sot sheshimi kúshine engennen keıin tulǵany QR shekarasynan shyǵarýǵa baǵyttalǵan sot prosesi bastalady (jazasyn munda ótegennen keıin)”, – dedi Zákıeva.

Sondaı-aq, ol qazirgi tańda zańnamada balalarǵa qatysty qylmystyń osyndaı quramyna baılanysty bap joq ekenin atap ótti.

“Nátıjesinde tulǵa jaýapqa «kámeletke tolmaǵanǵa qatysty jasalǵan is-áreket» degen aýyrlatýshy biliktilik belgisi de joq «Buzaqylyq» baby boıynsha tartylady. Osyǵan baılanysty biz qazir QR İİM-men birlesip, zańnamaǵa balalarǵa jasalǵan zorlyq-zombylyqqa qatysty tıisti baptardy engizýmen jumys istep jatyrmyz. Jalpy, túzetýler balalardyń qaýipsizdigin qamtamasyz etýge qatysty ártúrli salamen baılanysty. Zańnamaǵa usynystar paketin QR Parlamentine osy kúzde berýdi josparlap otyrmyz”, – deıdi ombýdsmen.

Eske salaıyq, budan buryn Almaty oblysynyń Qarasaı aýdanynda saýda ortalyǵynda Túrkıa azamaty 4 jasar qyz balany teýip qulatqany habarlanǵan.