Almaty qalasynyń áýejaıynda Qazaqstanǵa óz erkimen oralǵan Muhtar Áblázovtyń sybaılasy ári aǵasy Nurǵazın Qýanysh ustaldy, dep habarlaıdy Bas prokýratýranyń baspasóz qyzmeti.

Vedomstvo málimetinshe, ol Áblázov basqaratyn «BSC» JSHS-nyń nomınaldy dırektory. Áblázov jáne onyń sybaılastary osy kompanıany zańsyz nesıelendirý arqyly BTA Bankten asa iri kólemde qarajat jymqyrǵan.

Nurǵazın sottalýshy bola tura, eshqaıda ketpeý týraly mindettemesin buza otyryp, qylmystyq jaýapkershilikten jaltarý maqsatynda sottan jasyrynǵan.

12 jyl boıy Lıtva aýmaǵynda jasyrynyp, sol jerde bosqyn mártebesin alǵan.

“Nurǵazın Qazaqstanǵa óz erkimen oralýǵa nıet bildirdi.  2023 jylǵy 24 shildede pasporttyq baqylaýdan ótkennen keıin ol ustalyp, ýaqytsha ustaý ızolátoryna qamaldy.

Sottalýshynyń ótinishi boıynsha Nurǵazınniń jasy men densaýlyq jaǵdaıyn eskere otyryp, 2023 jylǵy 25 shildede sot oǵan bultartpaý sharasyn úıqamaqqa alý dep ózgertti”, – delingen habarlamada.

Jaqyn arada basty sot talqylaýy qaıta bastalady. Onyń jaýapkershiliginiń kólemin sot aıqyndaıtyn bolady.