Qarjy monıtorıńi agenttigi Qostanaı oblysynda áshkerelengen qylmystyq toptyń 2022 jyldan bastap et satý boıynsha jalǵan málimetter arqyly búdjet qarajatyn jymqyryp kelgenin anyqtady.

Jymqyrylǵan qarajat 1,6 mlrd teńgeden asady

"Uıymdasqan topty iri et óńdeý kásipornynyń dırektory basqarǵan, onyń quramyna qaramaǵyndaǵylar, sharýa qojalyqtarynyń basshylary, mal dárigerleri men laýazymdy tulǵalar bar. Qylmystyq sqema sharýa qojalyqtarynyń qaıta óńdeý zaýytyna joq ónimderdi, sondaı-aq qylmystyq top músheleri arasynda bólingen sýbsıdıalar alǵan artyq salmaǵy bar ónimderdi jetkizýden turdy", - delingen habarlamada.

Qazir uıymdasqan qylmystyq top múshelerine qatysy bar 50-den astam sharýa qojalyǵy anyqtalǵan. Búgingi tańda alaıaqtyq, uıymdasqan top qurý jáne basqarý faktileri boıynsha on jeti qylmystyq is tirkeldi.

"Top músheleriniń bank uıashyqtarynda jáne esepshottarynda shetel jáne ulttyq valútadaǵy jalpy somasy 3 mln astam AQSH dollary bar ekeni anyqtaldy.  Aldyn ala tergeý barysynda qojalyq basshylary kinásin moıyndap, 62 mln teńgeden astam qarjyny óz erkimen memleket kirisine qaıtarǵan. Tergeý barysynda uıymdasqan qylmystyq toptyń 5 belsendi múshesi qamaýǵa alyndy", - delingen habarlamada.