Esirtki qylmysyna qarsy is-qımyl basqarmasynyń qyzmetkerleri jedel is-sharalar barysynda qala aýmaǵynda psıhotroptyq zattar qoıyp ketýmen aınalysqan áıeldi ustady, dep habarlaıdy Polisia.kz.
“Jumysqa” shyqqan avtoledı polıseılerdi baıqap, esirtki oramynan tezirek qutylý úshin, ony joldyń shetinde turǵan óz kóliginiń astyna laqtyryp jibergen. Jedel qyzmetkerler býmanyń ishinen bir rettik 20 doza “sıntetıka” tapty. Ustalǵan áıel kóliginiń salonyn tekserý kezinde taǵy bir shaǵyn oram gashısh tárkilendi.
Buǵan qosa, oń jaq eden kilemshesiniń astynan qupıa oryndardy qazýǵa arnalǵan pyshaq tabyldy.
Tergeýshiler bul jaıtty QK-tiń 297-baby (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha tirkedi. Onyń jaqynda ǵana medısına salasyndaǵy qyzmetinen ketkendigi belgili boldy.
Qazir atalǵan jaıt boıynsha Eńbekshi aýdandyq polısıa basqarmasy sotqa deıingi tergeý amaldaryn júrgizip jatyr. Kúdikti qamaýǵa alyndy.
Pikir qaldyrý