Hanchjoý komýnıstik partıa komıtetiniń burynǵy basshysy Chjoý Szánón 182 mıllıon ıýán (25 mıllıon dollarǵa) para aldy degen aıyppen ólim jazasyna kesildi. Bul týraly qytaılyq South China Morning Post basylymy habarlady.
Tergeý nátıjesinde Chjoý Szánónniń jer máselesin sheship, qurylys jobalaryn jasaý úshin para alǵany anyqtaldy. Sheneýnik sybaılas jemqorlyqty 2001 jyly aýdan ákimi apparaty basshysynyń orynbasary bolyp turǵan kezden bastaǵan.
Basylym 56 jastaǵy burynǵy partıa qyzmetkeriniń ólim jazasy ómir boıyna bas bostandyǵynan aıyrý jazasyna aýystyrylýy yqtımal dep jazdy.
Sonymen qatar, ol ómir boıy saıası quqyqtarynan aıyrylyp, múlki tárkilenedi.
Pikir qaldyrý