Qytaılyq ınvestorlar Túrkistan oblysynda maqta egýi múmkin. Bul jóninde óńir basshysy Darhan Satybaldynyń qytaılyq kompanıanyń jetekshilerimen kezdesýi kezinde belgili boldy.

Qazir bul ınvestorlar kórshi Ózbekstanda birqatar iri jobalardy iske asyryp jatyr. Túrkistanǵa arnalǵan jobanyń quny – 46 mln dollardy quraıdy.

Maqta ósirýde qytaılyq zamanaýı tehnologıalar engiziletin bolady. Mamandar ony óndiris kólemin edáýir arttyrady dep otyr. 

Sonymen qatar qytaılyq kompanıa Túrkistan oblysynda bylǵary óńdeý jáne iri qara mal qaldyqtarynan jelatın óndiretin zaýyt salýǵa da daıyn. Bul bıznes-jospardyń quny – 10 mln dollar.

"Sizderdiń Syrdarıa oblysynda bastaǵan jumystaryńyzben jeke baryp tanystym. Sol jerdegi óndiristiń barlyǵyn qarap, tanysyp shyqqanmyn. Endi ózderińizben ári qaraı jobalardy iske asyryp, jumys istesek, sol eki eldiń qarym-qatynasyna qosqan úles bolady, - dedi Túrkistan oblysynyń ákimi Darhan Satybaldy qytaılyq ınvestorlarǵa.