Eks prezıdent Nursultan Nazarbaevtyń jıen nemeresi Nurálı Álıev "Transtelekom" AQ Dırektorlar keńesiniń basshysy boldy. Atalǵan sheshim 25 shildede aksıonerlerdiń jalpy jınalysynda qabyldanǵan. 

Dırektorlar keńesiniń quramynda: Álıev N.R., Pokýpatelev D.A., Ótemurat B. M., Gýmarov E. M., Ahmetjanov A.M., Chehovskıı V. A., Ibraımov K.Ý. bar.

KASE málimetinshe, kompanıa 2022 jyldyń qorytyndysy boıynsha aksıonerlerge dıvıdendter tólemeıdi.

"Transtelekom" aksıonerleri – "Unit Telecom" JSHS (75% úlesi) jáne "Qazaqstan temir joly" ulttyq kompanıasy (25% úlesi).

"Transtelekom" AQ resmı saıtynda Nuráli Álıev alǵash ret aksıonerlerdiń jalpy jınalysynyń 2016 jylǵy 4 tamyzdaǵy sheshimimen Kompanıanyń Dırektorlar keńesiniń quramyna saılanǵany aıtylady.