Oral turǵyny shetelge bir búıregin satpaq bolǵan. Onyń bul áreketine otbasy jaǵdaıy sebep bolǵan. Bul týraly İİM resmı saıty habarlady.

33 jastaǵy er adam búıregin qolma-qol aqshaǵa satý týraly Telegramǵa habarlandyrý jarıalaǵan. Keıin onymen satyp alýshylar baılanysyp, eki jaq operasıany Kenıada ótkizýge kelisken. 

Ota quny 20 myń AQSH dollary bolǵan. Oraldyq eki aı boıy medısınalyq ortalyqtarda tapsyrǵan taldaý nátıjelerin Telegram-arnasy arqyly jiberip otyrǵan. Saıt qyzmetkerleri oǵan jol júrý, elektrondy vıza úshin 250 AQSH dollary kóleminde aqsha jibergen.

Er adam 30 shilde kúni Almaty halyqaralyq áýejaıynda ustaldy.

Oqıǵaǵa qatysty "adam aǵzalary men tinderin kúshtep alý nemese zańsyz alý" baby boıynsha tergep-tekserý amaldary bastaldy.