Qorǵanys mınıstrliginiń málimeti boıynsha reseılik avıasıa jeksenbi kúni Sırıaǵa 60 áskerı ushaǵyn baǵyttaǵan. Dál sol kúni Sochıde Reseı prezıdenti Vladımır Pýtın men Saýd Arabıasynyń Qorǵanys mınıstri Mýhammad ıbn Salmanmen kezdesti. Bul týraly «Qamshy» portaly euronews.com-ǵa silteme jasaı otyryp habarlaıdy. Máskeý úkimeti er-rıadtyqtardy Sırıadaǵy basty maqsaty – terorızmmen kúres ekenine barynsha sendirip otyr.

Bul týraly Pýtın televızıalyq suhbat barysynda: «Bizdiń maqsat – zańdy bılikti turaqtandyryp, saıası kelisim tabýǵa jaǵdaı jasaý», - degen bolatyn.

Vladımır Pýtın Sırıadaǵy qurlyqtyq operasıaǵa reseılik áskerdiń qatyspaıtyndyǵyn erek atap ótti: «Joq, biz ondaı qadamǵa barmaımyz! Bul sırıalyq dostarymyzǵa da málim nárse».

Búginde reseılik avıasıanyń qoldaýyna ıe sırıalyq úkimet Atshan qalasy men Hama provınsıasy mańaıyndaǵy aýyldardy óz baqylaýyna alyp, shabýyldaryn jalǵastyryp otyr.