İshki ister mınıstri memlekettik izdeý jjarıalanǵan sportshy Beıbit Shúmenovtiń AQSH-ta bolýy múmkin ekenin aıtty.
"Sportshy Beıbit Shúmenov AQSH-ta bolýy múmkin. Qazirgi ýaqytta jeke nusqaý jiberilip, tergeý amaldary júrip jatyr. İzdeý jarıalandy. Kezinde qylmysty tirkemegen qyzmetkerler tártiptik jaýapkershilikke tartylyp, jumystan bosatyldy",-dedi mınıstr.
Mınıstr Marat Ahmetjanov qos taraptyń tatýlasý nusqasy qarastyrylǵanyn da aıta ketti.
"Munda aýyrlyǵy ortasha sanattaǵy is qozǵalǵan, taraptardy tatýlastyrý da kózdelgen. Endi sotqa deıingi tolyqqandy tergeý júrgizilip, sheshim qabyldanady", - dep qosty mınıstr.
Aıta keteıik, sportshy Beıbit Shúmenovke memleketaralyq izdeý jarıalandy.
Ol 18 maýsymda Astanadaǵy saýda ortalyǵynda qolyna bala ustaǵan er adamdy uryp-soqty dep aıyptaldy.
Pikir qaldyrý