Reseı tergeý komıteti "Vagner" jetekshisi Evgenıı Prıgojınniń qazasyn rastady. Tver oblysynda ushaq apatynan qaza bolǵan 10 adamnyń báriniń aty-jóni anyqtalǵan.

Buǵan deıin "Vagner" áskerı jasaǵynyń negizin qalaýshy Prıgojınniń qaza tapqany týraly aqparat jarıalanǵan bolatyn. Ushaqta "Vagner" komandırleriniń biri Dmıtrıı Ýtkın de bolǵan.

Tergeý organdary ázirge ushaq apatynyń sebebin aıtpady. Telegram arnalar men aqparat quraldarynda apat sebebi tóńireginde túrli boljam aıtylyp jatyr. Keıbiri bortta jarylys bolǵanyn nemese ushaqty áýe qorǵanysy atyp túsirýi múmkin ekenin aıtty.

Prıgojın paıdalanyp júrgen Embraer jeke ushaǵy Máskeýden Sankt-Peterbýrgke ushyp, 23 tamyzda apatqa ushyraǵan. Qutqarýshylar apat ornynan 10 máıit tapqan.