«Talıban» ıslamıstik qozǵalysy bas maqsattaryna jetkendikten Aýǵanstannyń soltústigindegi Qundyz qalasynan ketetini týraly málimdedi. Bul týraly «Qamshy» portaly bbc.com-ǵa silteme jasaı otyryp habarlaıdy. «Talıban» búlikshileri bul aımaqta sońǵy eki apta boıynda úkimettik áskermen soǵysqan bolatyn.

Talıbandyq baspasóz hatshysynyń habarlaýynsha, búlikshiler Qundyz qalasynda ornalasqan túrmeden júzdegen joldastaryn bosatyp, áskerı tehnıkany basyp alǵan eken.

Búlikshiler Qundyz qalasyna qyrkúıekte kelip, bas aımaqtardan qýylǵansha, qalany úsh kún boıynda ustap otyrǵan. Aýǵandyq áskerdiń bergen málimeti boıynsha, qazirgi ýaqytta qala tolyǵymen úkimettiń baqylaýynda.

Degenmen, qazirgi ýaqytta Aýǵanstannyń soltústiginde ornalasqan Gaznı provınsıasyndaǵy kólik jolynda jańa shabýyldar órshigen eken. Provınsıa atymen attas qalada talıbandyqtarmen shyǵarylǵan zymyran eki adamdy óltirgen kórinedi. Jergilikti halyq bul aımaqtan jappaı kóship jatqany týraly habarlamalar kelip túsken.