Aǵymdaǵy jyldyń basynda Koban qalasyn jıhadshylardan bosatqan sırıalyq kúrdtik «Ózin- ózi qorǵaý halyqtyq jasaqtary» «Islamdyq memleket» tobynyń resmı emes astanasy Rakký qalasyna shabýyl jasaıtynyn málimdedi. Bul týraly «Qamshy» portaly euronews.com-ǵa silteme jasaı otyryp habarlaıdy. Qala ıslamısterdiń baqylaýyna 2013 jyly túsken bolatyn. Kúrdter bul operasıany AQSH basshylyǵyndaǵy halyqaralyq koalısıamen baılanysyp iske asyrmaq. Bul áreketke keıbir toptar men biryńǵaı kóterilisshiler de qatysatyn kórinedi.
Al, sırıalyq úkimettik ásker reseılik avıasıa qoldaýynyń arqasynda Latakıa provınsıasyndaǵy birneshe aýyldy jıhadshylardan bosatty.
Aıta keteıik, Máskeý úkimeti ILIM-ge qarsy áýe operasıasyn Sırıa prezıdenti Bashar Asadtyń ótinishimen 13 qyrkúıekte bastaǵan bolatyn. Kúni keshe Damasktaǵy reseılik elshiliktiń aldynda ótken Reseı áreketterin qoldaýǵa baılanysty mıtıń uıymdastyrylyǵan edi. Saldarynan elshiliktiń ózi mınomettyq oq jaýdyrýdyń obektisine aınalyp ketti. Biraq, zardap shekkender joq.
