Seısenbi kúni Iordan ózeniniń Batystyq jaǵalaýynda palestınalyqtar men ızraıldyq qaýipsizdik kúshteri arasyndaǵy iri qaqtyǵystar bolyp ótti. Bul týraly «Qamshy» portaly euronews.com-ǵa silteme jasaı otyryp habarlaıdy. Palestınalyq toptar bul kúndi «Ashý-yza kúni» dep jarıalady. Manıfesanttar kólik dóńgelekterin órtep, polısıa qyzmetkerlerine tas atty. Buǵan jaýaby retinde polısıa qyzmetkerleri kózdi jasaýratatyn qyshqyl gaz ben rezeńke oq paıdalandy. Zorlyq-zombylyqtyń bulaı kúsheıýine palestınalyq úkimet qaıtadan Izraılge kiná taqty.

«Bizdiń halyqqa qarsy áskerı qylmystar men zorlyq-zombylyqtyń, haostyń, ekstremızm men qan qantógistiń qazirgi tolqynyna ızraıldyq úkimet tolyq jaýapkershilikti óz moınyna alýy tıis. Búgin, Palestına prezıdenti Mahmýd Abbastyń ókimimen, biz Izraıldiń premer-mınıstrine, sonymen qatar Qorǵanys mınıstrine jáne Qaýipsizdik kúshteriniń basshylaryna qarsy Halyqaralyq qylmystyq sotqa aryzdaný týraly sheshim qabyldadyq», - dedi, «Palestınany azat etý» uıymynyń Atqarý komıtetiniń múshesi Saıd Arıkat.

Sońǵy eki apta ishinde atalmysh qaqtyǵystar barysynda palestınalyq halyqtyń 30-ǵa jýyǵy kóz jumyp, júzdegen adam aýyr jaraqat alǵan. Seısenbi kúni ızraıldyq jaýyngerler jandyrǵysh zatty áskerı kólikke qaraı baǵyttamaq bolǵan palestınalyqty atyp óltirgen bolatyn.