6 qyrkúıekte Eldos Qospaev pen onyń 7 sybaılasy Soltústik Kıprden ustalyp, Qazaqstanǵa jetkizildi. Bul týraly Ulttyq qaýipsizdik komıteti habarlady. 

Qazir ustalǵandardyń barlyǵy Astana qalasyna jetkizildi. Buǵan deıin olarǵa halyqaralyq izdeý jarıalanǵan bolatyn. 

Qylmystyq top músheleri reıderlik basyp alý áreketterin jasaǵany úshin  aıyptalǵan bolatyn. Olar kásipkerlerdi qorqytyp, kompanıadaǵy úlesin kúshtep tartyp alyp, kóleńkeli bıznespen aınalysqan.

Aıta keteıik, buǵan deıin kásipker, Esentai City jobasynyń avtory Almas Ábdiǵapparov Orda.kz saıtyna bergen suhbatynda "AV-Construction" JSHS-degi 25 paıyzdyq úlesin reıderlik jolmen Bolat Nazarbaevtyń senimdi adamy Eldos Qospaev tartyp alǵanyn málimdegen edi.