Tarazada qańtar oqıǵasy kezinde áreket etpegen polısıa qyzmetkerlerine sot úkimi shyqty. Bul is boıynsha quqyq qorǵaý organdarynyń 5 qyzmetkerine aıyp taǵyldy, dep habarlady qalalyq sottyń baspasóz qyzmeti.

"2022 jyly qańtardyń altysyna qaraǵan túni Taraz qalasynyń polısıa basqarmasy men Jambyl oblysynyń polısıa departamentine jappaı tártipsizdikke qatysýshylar shabýyl jasalǵan. Bul rette İshki ister organdarynyń laýazymdy tulǵalarynyń áreketsizdiginen arttehqurylǵylar (tapanshalar, oq-dáriler, arnaıy quraldar jáne t.b.) urlanyp, joǵalyp ketken. Sonyn kesirinen memleketke asa iri mólsherde materıaldyq zalal keldi", - delingen is materıaldarynda.

Sot úkimimen Taraz polısıa basqarmasynyń burynǵy bastyǵy Asylhan Záýirbekov, Jambyl oblysy polısıa departamenti basshysynyń burynǵy orynbasary Fahrıddın Shankarov jáne tyl basqarmasy bastyǵy Noıan Qıymbekov 4 jylǵa bas bostandyǵynan aıyryldy. Úsh azamatqa da ómir boıyna memlekettik organdarda qyzmet atqarýǵa tyıym salyndy.

Sábıt Orazov 3 jylǵa sottalyp, raqymshylyq boıynsha jazasynan bosatyldy. Al Maqsat Tórebekov kinásiz dep tanyldy.