Qumar oıynnyń kesirinen qaryzǵa batqan qarjy mekemesiniń dırektory óz fırmasyn tonaǵan. Oqıǵa Taraz qalasynda oryn aldy. 

"7 qyrkúıekte Taraz qalasynyń 102 arnasyna shaǵyn qarjy mekemesine tonaý jasalǵany týraly habarlama tústi. Polıseıler mekeme fılıalynyń 47 jastaǵy dırektory kasırdi dárethanaǵa qamap, kasadan 24,5 mln teńge aqshany alyp qashyp ketkenin anyqtady", - delingen İİM habarlamasynda.

Soǵan baılanysty QR QK 191-babynyń 4-bóligi (asa iri mólsherde jasalǵan tonaý) boıynsha qylmystyq is qozǵaldy.

"Dereý kúdiktiniń týystarymen baılanys ornattyq. Mekeme dırektory jasyrynyp úlgermeı, óz erkimen urlanǵan aqshany polısıa organyna alyp kelýge májbúr boldy”, – dep málimdedi vedomstvo.