UQK tóraǵasynyń orynbasary Rýslan Seısembaev "Shanhaı yntymaqtastyq uıymynyń Aımaqtyq terorızmge qarsy qurylymy" keńesiniń 40-otyrysynda Qoja Ahmet Iassaýı kesenesindegi jarylys pen Astanadaǵy qarýly shabýyl aldyn alǵanyn aıtty dep habarlaıdy Zakon.kz.

Rýslan Seısembaevtyń aıtýynsha, Qazaqstanda lańkestik árekettińdiń qaýpi áli de seıilmeı tur.

"Jyl saıyn kem degende eki lańkestik áreketti uıymdastyrýshylar ustalady. Mysalǵa, bıylǵy jyldyń ózinde Túrkistandaǵy Qoja Ahmet Iassaýı kesenesin jaryp jiberýdi josparlaǵan terorrıstik uıymdy qolǵa túsirdik. Sondaı-aq Astanada adam kóp jınalatyn jerlerde qarýly shabýyl jasaý áreketi der kezinde anyqtalyp, aldyn alý sharalary júrgizildi", – dedi UQK ókili. 

Onyń aıtýynsha, mundaı oqıǵalar SHYU-ǵa múshe memleketterindegi terrorlyq qaýipterdiń saldarynan paıda bolyp otyr. Rýslan Seısembaev mysal retinde Aýǵanstan bıligine kelgen "Talıban" qozǵalysyn tilge tıek etti. 

"Bul el – álem boıynsha lańkestik uıymdardy taratatyn basty ortalyq. 50-den astam terrorlyq áreketterdiń nátıjesinde 350-den astam adam qaza taýyp, 700-dan asa jaraqat alǵandar bar.  Eń úlken qaýip týdyryp otyrǵan – "Horasan vılaıaty" lańkestik uıymy. Olardyń sany osy ýaqyt aralyǵynda 500-den 6 myńǵa jýyq daıyndalǵan lańkestik áreketterge deıin ósti", – dep atap ótti Rýslan Seısembaev.