Marokkodaǵy jer silkinisinen Qazaqstan azamattary zardap shekken joq. Bul týraly syrtqy ister mınıstrliginiń resmı ókili Aıbek Smadıarov málimdedi. Onyń aıtýynsha, Marokkoda Qazaqstan elshiligi bar.
"Elshilik jáne basqa da qazaqstandyqtarmen qosa alǵanda otyzdan astam Qazaqstan azamaty turady. Barlyǵy aman-esen, eshkim zardap shekken joq. Bárimen baılanystamyz. Basqa zardap shekkender men qaıtys bolǵandar arasynda Qazaqstan azamaty joq", -dedi Smadıarov syrtqy ister mınıstrliginde ótken apta saıynǵy brıfıńte.
Esterińizge sala keteıik, Marokkoda 8 qyrkúıekte kúni magnıtýdasy 6.9 zilzala boldy. Tabıǵı apaty saldarynan kóptegen ǵımarat qırap, úıindige aınaldy. Keıbir óńirlerde jaryq óship, sýmen qamtý júıesi ishinara buzyldy.
Sońǵy aqparat boıynsha jer silkisinen qaza tapqandar sany úsh myńǵa jýyqtaǵan.
Pikir qaldyrý