Astanada jyl basynan beri qoǵamdyq oryndarda túkirgenderge 19 mln teńge aıyppul salynǵan. Bul týraly qalalyq Jergilikti polısıa qyzmeti basqarmasynyń basshysy Arman Aıtmaǵambetov málimdedi.
Onyń aıtýynsha, túkirý faktisi bas qaladaǵy bazarlardyń mańaıynda jıi kezdesken. Olardyń barlyǵy beınekameralardyń kómegimen anyqtalǵan, dep habarlaıdy Astana telearnasy.
"Jalpyǵa ortaq paıdalanylatyn oryndardyń lastanýyna baılanysty quqyq buzýshylyqtardyń jolyn kesý boıynsha jumys júrgizip kelemiz. Ásirese, qoǵamdyq oryndarda jáne kóshelerde túkirip jatqan azamattarǵa nazar aýdarylady. Jyl basynan beri túkirgeni úshin 1 200 azamatqa 19 mln teńge aıyppul salyndy. Búginde onyń 5 mln teńgesi nemese 28% óndirildi", deıdi basqarma basshysy.
Pikir qaldyrý