Sheshenstan prezıdenti Ramzan Qadyrovtyń 24 jastaǵy qyzy Aıshat Qadyrova áleýmettik másele boıynsha Sheshenstan úkimetiniń vıse-premeri bolyp taǵaıyndalady. Ramzan Qadyrov qyzynyń taǵaıyndalýyn maquldaǵan. 

Buǵan deıin Aıshat Qadyrova Mádenıet mınıstrligin basqardy. Birneshe aı buryn onyń jubaıy Vısqan Masýev Úkimet tóraǵasynyń orynbasary qyzmetine taǵaıyndaldy. Qadyrovtyń ózi týystaryna senim bildirgendikten olardy mańyzdy laýazymǵa taǵaıyndaǵanyn aıtqan. 

"Men Mýslım Hýchıevtiń usynystaryn qoldadym. Árıne, Aıshat Qadyrova Mádenıet mınıstrliginiń qyzmetin jaqsartýǵa zor úles qosty, jaqsy tájirıbe jınady", - dep jazdy Qadyrov.

Aıshat Qadyrova 21 jasynan bastap Sheshenstan mádenıet mınıstriniń orynbasary, mınıstri bolǵan. "Otan aldyndaǵy eńbegi úshin", "Adam quqyǵyn qorǵaǵany úshin", "Sheshenstan respýblıkasyna sińirgen eńbegi úshin" medaldary men Reseı qosyp alǵan, halyqaralyq deńgeıde moıyndalmaǵan "DHR-diń" "Dostyq" ordenimen, Sheshenstannyń eń joǵarǵy marapaty - Qadyrov ordenimen marapattalǵan.