Olardyń aıtýynsha, basqarma jol aqysy úshin zańsyz aqsha jınap, qazan aıynan bastap tólem qunyn joǵarylatyp jatyr. Osyǵan oraı, qoǵam belsendileri «Kólik mınıstrligi aqyly joldardaǵy tarıfterdi 20%-ǵa kóterip, keıin baǵany jyl saıyn ósetin AEK-ke baılanystyrýdy josparlap otyr. Biraq baǵasy sapaǵa sáıkes kele me? Buǵan biz biraýyzdan «Joq» deımiz. Sebebi, jol aqyly bolǵanymen de, joldar jaqsara qoımady. Joldarda shuńqyr kóp. Ári jol boıynda qyzmet kórsetilmeıdi. Qysta da tazalyq jumystary nashar» deıdi.

Al qaýipsiz jol qozǵalysy qaýymdastyǵynyń prezıdenti Ársen Shaqýov: «Bizde balama jol joq. Al eski jolǵa tas jol salyp, aqsha alyp jatyr. Bul jalpy konstıtýsıaǵa qaıshy ekenin túsiný kerek. múmkin, sotqa shaǵym túsirermiz. Aqyly jol bolsa, sapasy birdeı tegin jol bolýy kerek, – dese, ekonomıs Marat Abdýrahmanov:

• Taýarlardyń barlyǵy iri qalalar men eldimekenderge aqyly joldar arqyly keledi. Sonyń saldarynan azyq-túliktiń de baǵasy eki esege ósetini sózsiz. Al baǵanyń ósýi kúndelikti tutynatyn sút, et, un, kókónis sekildi arzan taǵamdardyń baǵasyna áser etpeı qoımaıdy deıdi.

Buǵan deıin Kólik mınıstri Marat Qarabaev: «Úsh element ózgerip jatyr. Birinshiden, biz aqyly jol qunyn 20 paıyzǵa kóterip jatyrmyz. Ekinshiden, aqyly jol tarıfterin aılyq eseptik kórsetkishpen baılanystyramyz. Iaǵnı, jyl saıyn AEK ósken saıyn, tarıf te birge kóterilip otyrady. Úshinshiden, eki jolaqtyqozǵalysy bar jańa ýchaskelerde tek júk kólikteri úshin aqy tóleýdi engizý jumystary júrgizilip jatyr» degen bolatyn mınıstr.