Ázerbaıjan bıliginiń resmı málimetinshe moıyndalmaǵan taýly Qarabaqtyń burynǵy prezıdenti Araık Arýtúnán, Arkadı Gýkasán jáne parlament tóraǵasy Davıda Ishhanánany ustaldy. Olar Stepanakertte ustalyp, Baký qalasyna jetkizilgen. 

Taýly Qarabaqtyń memlekettik mınıstri Artýr Arýtúnán Azattyqtyń Armán qyzmetine ózi jáne Taýly Qarabaqtyń ulttyq qaýipsizdik qyzmetiniń dırektory Ararat Melkýmán, ishki ister mınıstri Karen Sargsán jáne prezıdent ákimshiliginiń jetekshisi Karen Shahramanán 3 qazanda ázerbaıjan baqylaý ótkizý pýnkti arqyly Armenıaǵa kirgenin aıtty. Ol burynǵy prezıdentter men parlament spıkeriniń ustalǵanyna baılanysty túsinikteme bermedi.

Buǵan deıin Ázirbaıjan Taýly Qarabaqtyń burynǵy 4 saıası jáne áskerı basshylaryn tutqyndaǵan: burynǵy memlekettik mınıstr Rýben Vardanán, burynǵy Syrtqy ister mınıstri Devıd Babaıan, qorǵanys armıasynyń burynǵy qolbasshysy Levon Mnasakanán jáne qorǵanys Armıasy qolbasshysynyń burynǵy orynbasary Devıd Manýkán.