Prezıdent Qasym-Jomart Toqaev Respýblıkalyq pedagogter sezinde mekteptegi hıdjab máselesine qatysty pikir bildirdi. 

"Men qoǵamda jıi talqylanatyn taǵy bir máselege toqtalǵym keledi. Qazaqstan – Konstıtýsıa boıynsha zaıyrly memleket. Bul qaǵıda barlyq jerde, sonyń ishinde bilim berý mekemelerinde qatań saqtalýǵa tıis. Mektep – eń aldymen, bilim ordasy. Balalar mektepke bilim alý úshin barady. Al dinı ustanym – ár azamattyń jeke máselesi, óz tańdaýy. Elimizde din bostandyǵyna zańmen kepildik berilgen. Balalarymyz eseıip, dúnıetanymy tolyq qalyptasqan soń óz tańdaýyn jasaǵany durys dep sanaımyn”, – dedi Toqaev.

Memleket basshysy eń bastysy, kózqarasy aıqyn, sanasy sergek ári dástúrge berik urpaq tárbıeleý kerektigine nazar aýdarady.

“Jalpy, zaıyrly degen sózdiń mazmuny tereń, óte aýqymdy. Halqymyzǵa qatysty aıtatyn bolsaq, bul – salaýatty ómir saltyn ustaný, pragmatıkalyq kózqarasta bolý jáne dástúrli dinimizge, ulttyq sanany arqaý etken saltymyzǵa shynaıy qurmet degen sóz", – dedi prezıdent.