Qytaıdyń Hanjchoý qalasynda ótip jatqan Azıa oıyndarynda qazaqstandyq karateshi Nurqanat Ájiqanov chempıon atandy. Qazaqstandyq karateshi 75 kelige deıingi salmaqta ıordanıalyq Hasan Masarvehpen altyn júldeni sarapqa saldy.
Nurqanat qarsylasyn 8:0 esebimen aıqyn basymdyqpen utyp, Qazaqstan qorjynyna segizinshi altyn medaldi saldy.
Nurqanat Ájiqanov – karateden Tokıo olımpıadasynyń qatysýshysy, álem chempıonatynynyń 2 márte qola júldegeri.
Búgin, 5 qazanda Qazaqstan úsh altyn ıelendi. Buǵan deıin velosporttan Evgenıı Fedorov, jıý-jıtsýdan Nurjan Batyrbekov Azıa oıyndarynyń chempıony atanǵan. Qazir Qazaqstan 8 altyn, 13 kúmis, 37 qolamen 11-orynnan 10-orynǵa kóterildi.
Pikir qaldyrý