Keshe ál-Farabı atyndaǵy QazUÝ-da prezıdent Qasym-Jomart Toqaevtyń ákesi Kemel Toqaevqa arnalǵan arnaıy aýdıtorıa ashyldy.
Árıne, qazaq jazýshysy bolǵan soń, ashylsyn.
Biraq osy ýaqytqa deıin dál munshalyq elenbeı kelgen jazýshyny aıaq astynan jarysa dáriptegenderi qyzyq bop jatyr.
Álde, Janseıit Túımebaev rektorlyq qyzmetinen ketpeý úshin jantalasa ma eken? Óıtkeni munyń aldynda «QazUÝ-dyń rektory aýysady» degen sybystar bolǵan.
Azattyq radıosynyń jýrnalıseri rektorǵa “bul aýdıtorıa Kemel Toqaev prezıdenttiń ákesi bolǵany úshin ashyldy ma, bul jeke basqa tabyný emes pe”, degendeı suraq qoıyp jiberdi. Tótesinen qoıylǵan suraq Janseıit Túımebaevtiń janyna qatty tıip ketse kerek,  ashynǵan ol jýrnalısiń ózine shap berdi. Onyń bul áreketin kópshilik ıntellıgent adamǵa tán qylyq emes dep baǵalaýda.
Jýrnalıs Qasym Amanjol: «Ózin zıaly sanaıtyn adam eshqashan suhbat berip turyp jýrnalısiń qolyndaǵy mıkrofonǵa jarmaspaıdy. Qazaq ulttyq ýnıversıteti rektorynyń tilshi qolyndaǵy mıkrofondy ıesiniń qolymen birge qysa ustap, keri kúshtep buryp, «maqsatyńyz qandaı» dep suraq qoıýyn qalaı baǵalaısyz? Bul – rektorǵa, ıntellıgentke, jalpy mádenıetti er-azamatqa jarasatyn qylyq pa?» degen saýal tastaıdy.
Artynsha ýnıversıtet stýdentterine «Kemel Toqaev kim?» degen suraq qoıǵanda, kóbi «prezıdenttiń ákesi» degen jaýaptan asa almady. Tipti Kemel Toqaevtyń kim ekenin bilmeıtinder de tabyldy. Endi biri «bul jaǵympazdyqqa uqsaıdy» dep, shynyn aıtty.
Atyna shań juqtyrmaıtyn rektor endi stýdentterdi jazalamasa boldy.